Packet Edition

September 2026

മാനവികതയുടെ സർവാംഗീകൃതമായ മൂലശിലയത്രേ സ്നേഹം. ആ സ്നേഹത്തിന്റെ ഒഴുകുന്ന സംഗീതമായിരുന്നു പ്രവാചകൻ(സ). കരുണ കാണിക്കാത്തവൻ കരുണ ചെയ്യപ്പെടില്ലെന്ന് പ്രസ്താവിച്ച ആ സ്നേഹദൂതൻ ജീവിതത്തെ സ്നേഹത്തിന്റെ ബഹുവർണചിത്രമായി പ്രദർശിപ്പിക്കുകയായിരുന്നു. ക്രൂരനായ ദൈവത്തെ മാത്രം കേട്ടറിവുള്ള ലോകർക്ക് സ്നേഹ നിധിയും കാരുണ്യവാനുമായ അല്ലാഹുവിനെ തിരുമേനി പരിചയപ്പെടുത്തി. കൊടിയുടെ നിറവും മതത്തിന്റെ വ്യത്യസ്തതയും വിശ്വാസത്തിന്റെ വൈവിധ്യവും മനുഷ്യനിലെ മനുഷ്യത്വത്തെ നിഷേധിക്കുന്നില്ല. ജൂതസഹോദരന്റെ ശവമഞ്ചം കൊണ്ടുപോവുമ്പോൾ എഴുന്നേറ്റ് നിന്ന പ്രവാചകരോട് ‘അയാൾ ജൂതനല്ലേ?’ എന്ന ചോദ്യം വന്നു, ‘ജൂതനും മനുഷ്യനല്ലേ’ എന്ന മറുചോദ്യം പ്രവാചകനിലെ മാനവിക സാഗരം തുറന്നിടുന്നു. മാനവികതയുടെ ഉദ്ധാര കനായി അവതരിച്ച ആ പുണ്യാത്മാവിന്റെ മഹൽജീവിതത്തിലെ ഏതാനും ചില നിമിഷങ്ങൾ തെളിച്ചം ആർക്കൈവൽ പതിപ്പിലൂടെ അനാവരണം ചെയ്യപ്പെടുന്നു.